Uploader's Comments

Dyma ffermdy gwag Tir Cyd (gwedd artifisial ddigymeriad bellach) ar odre Mynydd Epynt, Sir Frycheiniog ac mae'r ty wedi bod yn wag er 1940 pan orfodwyd Benjamin Price a'i wraig a chwech o'u plant ynghyd a 53 o deuleuodd eraill o'r mynydd i adael eu ffermydd gan y Weinyddiaeth Amddiffyn er sefydlu maes tanio. Gwasgarwyd y teuluoedd o amgylch y siroedd cyfagos ac aeth Benjamin a'i deulu i Benderyn ger Hirwaun ymhell o'i gartref a chapel bach Sardis lle y bu'n ddeacon. O ganlyniad i'r weithred drychinebus hon a thros nos fel petai fe symudwyd ffin yr iaith Gymraeg yn Sir Frycheiniog ddeng milltir i'r gorllwein.